WALA GID MATABANGAN| 29 anyos nga lalaki sa Dumangas , patay matapos ginluthang ang kaugalingon gamit ang .22 caliber revolver

4569

Dumangas, Iloilo – Patay ang 29 anyos nga lalaki nga nagkomiter sang suicide sa banwa sang Dumangas pinaagi sa pagluthang sang iya kaugalingon gamit ang .22 caliber revolver .

Suno kay PO2 John Terrence Soria, imbestigador sang Dumangas PNP, nagsulod sa iya kwarto ang biktima kahapon sang hapon, Oktubre 25 kag may nabatian nga isa ka lupok ang mga tawo sa palibot.


Sang gin-usisa sang iya mga himata, nasapwan nga duguon kag wala na sang pangalibutan ang biktima bangud sang igo sang bala sa ulo.

Ginhingagaw pa ini dala sa hospital apang gindeklara nga patay alas 9:15 kagab-i base sa kumpirmasyon ni SPO2 Kim John Banson.

Suno kay PO2 Soria, may karelasyon ang biktima halin sa La Union nga nagbakasyon sa iya himata sa Dumangas.

Ginpahayag ni Soria nga sikreto ang relasyon sang mga ini tubtob nagdesider ang babayi nga magbalik sa La Union bangud didto ang iya pamilya kag may mga kabataan.

Posible suno kay Soria nga ginbatyag gid sang biktima ang pagbiya sang iya karelasyon rason nga iya ginluthang ang kaugalingon.

(photo from web)

Facebook Comments