WALA GIDAGIT|10 anyos nga bata nga narescue sa Gensan-wala gidagit

36

General Santos City—wala gidagit ang 10 anyos nga batang lalaki nga una nang narescue dinhi sa Gensan kagahapong adlawa, kini ang gikumperma ni South Barangay Kapitan Alvin Veneracion. Nasayran nga unang gidala sa buhatan ni Kapitan Veneracion ang bata dihang kini nakit-an sa Queen Tuna Park kagahapon sa hapon. Kagabie dihang subli nilang gipangutana ang bata uban si Police Supt. Samuel Cadungon uban ang mayor sa Antipas, North Cotabato, didto nasayran nga nilayas lang ang bata sa ilang balay human gikasab-an. Misakay matud pa ang nasangpit nga bata sa pampasaheroang Van padulong dinhi sa Gensan. Gikumperma pa ni kapitan Veneracion nga nahinabi mismo ni Supt. Cadungon ang inahan sa bata ug gikumperma sab niini nga milayas ang nasangpit. Posibling naghimo-himo lang ug estorya ang bata aron iyang ma-justify ang pagbiya niini gikan sa ilang panimalay. Nasayran nga kagabie giturn-over na sa barangay South ang bata ngadto sa mayor sa Antipas. (Photo Credit to: Captain Alvin Veneracion FB) Read More: rmn.ph/dxmd927gensan/ rmn.ph/

Facebook Comments