WALA KABAYAD | Nagrenta salakyan, kulang ang bayad, ginbilin nalang sa carwash

BACOLOD CITY – Ginreklamo sang tag-iya sang isa ka rent-a-car ang nag arkila sang iya salakyan nga wala nagbayad kag gin-abandonar pa ang salakyan.

Sa iya reklamo sa Police Station 6, ginsiling ni Lyndon Aldrich Locsin, 36 anyos ang edad kag pumuluyo sang Grandville 3, Brgy. Mansilingan, Bacolod City nga gin-arkilahan ni Winly Boy Yulo sang Brgy. Canturay, Sipalay City ang iya Mitsubishi Adventure sa sulod sang anum ka adlaw kag nagsugod sadtong January 17, 2018.

Suno kay Lyndon, naghatag sang downpayment nga 1k pesos si Willie sa total amount nga 9 mil pesos sa iya arkila.


January 19 sang liwat nagpadala sang 2 mil pesos nga bayad si Willie kag nagpangako nga bayaran niya ang balanse nga 6 mil pesos sa tion nga mabalik na niya ang salakyan nga dapat kuntani kahapon pa nga adlaw.

Apang, tubtub sa karon wala gihapon nahatag sang renter ang bayad sa arkila.

Ang malain pa, suno sa tagreklamo amo nga, wala na nakabayad pa sang balanse sa arkila si Willie, gin-abandonar pa niya sini ang salakyan kag nakita sa isa ka car wash sa Brgy. Taculing diri sa Bacolod kahapon./ Not the actual photo

Facebook Comments