Walay puangod nga inahan nga mibilin sa bag-ong panganak nga bata padayong gisuta

General Santos City– Padayon pa ang ginahimong imbestigasyon sa kapulisan kung kinsa ang walay puangod nga inahan nga walay kaluoy nga milabay sa kaugalingong anak nga una ng gibilin sa kilid nga bahin sa usa ka balay sa may 39. 2 , FVR Village, Brgy. Fatima.

Sumala kang Police Capt. Heilbron Okoren, hepe sa Police Station 7 nga sa karon, giturn over na sa kustudiya sa CSWDO ang maong bata nga usa ka lalaki.

Gani, panawagan niya sa posibleng inahan sa biktima o sa mga nakaila sa responsable sa pagbilin sa maong bata nga makig-alayon kanila o sa CSWDO.


Samtang posibleng residente lang usab sa maong lugar ang inahan sa batang bag-ong himugso nga gibilin sa kilid sa dalan.

Kini ang pagtuo ni Ronnie Jumawad, residente sa lugar.

Saysay niya nga wala nipaghot ang iyahang iro rason nga posibleng naka-ila kini sa nagbilin sa maong bata.

Sayo sa buntag matud pa dihang pagmata niya nakadungog nalang siya ug hilak sa bata mao nga iyang gisuta ug hilabihan gyud ang iyang kakurat dihang nakit-an ang bata.(LVR)

Facebook Comments