General Santos City–Arestado ang walo ka tawo human ang gihimong buybust operation sa PDEA 12 uban ang Police Station 2, ning dakbayan alas 6:00 pasado ang takna sa gabii sa Yu Village, Brgy. Apopong ning syudad.
Sumala kang Kath Abad, tigpamaba sa PDEA-12 nga target sa operasyon ang usa ka Juanito Adrillo Cabero, 36 anyos ug ang kaipon niining si Vanessa MascariƱas, 35 anyos nga maoy naga-manage ug drug den.
Human matud pang positibong napalitan ug sachet sa gituuhang shabu ang suspek nga si Adrillo, midersto sila sa panimalay ni MascariƱas kung asa naabtan ang unom katao nga nagapahigayon ug pot session.
Dugang pamahayag ni Abad nga dugay na nilang gi-monitor ang lihok sa mga suspek kung asa anaa matud pa sa target listed sa PDEA 12 si MascariƱas.
Giila man usab niini ang laing unom nga dinakpan nga silang Leo Franz AniƱon, 34 anyos, Melcris Borinaga, 34 anyos, Brian Borinaga, 36 anyos, Reymund Libo-On Jr, 23 anyos, Jem Lourd Medina, 27 anyos ug Anthony Lou Mahusay, 28 anyos.
Sa karon ang mga dinakpan ang anaa sa kustudiya sa PDEA 12 ug gipasakaan na ug tukmang kaso. Kalabot niini, gibutyag ni Abad nga posibleng gikan sa mga kasikbit nga Rehiyon o Probinsya ang maong mga illegal nga droga nga nakuha gikan sa mga nasangpit.
Gi-angkon man usab ni Abad nga luyo pa man sa kampanya batok illegal nga droga ug sa kasamtangang sitwasyon sa tungod sa covid-19, aduna gihapoāy pipila nga nagapabilin sa illegal nga aktibidad.
Paniguro niya nga sila sa PDEA, ang magpadayon usab sa pagpahigayon ug operasyon batok sa mga tawong nagapayuhutan ug iligal nga droga.(LVR)
