Wanted / Duha ka mangingisda, gisikop

Gisikop sa kapulisan sa Naawan Municipal Police Station ang duha ka mangingisda sa managlahing higayon.

Kini mao silang Romolo Ello Dadole, 70 anyos, minyo ug Mark Dadole Rellon, 19 anyos ug ulitawo.

Matud ni Police Sr. Insp. Arlyne Ranario, Public Information Officer sa Misamis Oriental Provincial Police Office nga si Dadole gisikop mga alas 7 sa gabie niadtong Martes sa Manticao, Misamis Oriental.


Samtang si Rellon gisikop sa Barangay Linangkayan, Naawan, Misamis Oriental sa maong adlaw.

Ang duha ka mangingisda nag-atubang sa kasong paglapas sa Section 126 sa Republic Act 10654 o mas nailang Illegal fishing.

Facebook Comments