Wanted nga napusilan sa Police sa Polomolok, mag-atubang ug patong-patong nga kaso

General Santos City–Gikabutyag ni Police Major Johnrick Medel ang Deputy Station Commander sa Polomolok Municipal Police Station nga mag-atubang ug patong patong nga kaso ang suspetsadong si Kenneth Abdullah Marangkit Bueno kansa nasikop ug napusilan atol sa gipahigayon nga operasyon sa kapulisan niadtong milabay nga semana.

Sumala pa ni Medel nga ilang naharang ang suspek sa may Barangay Poblacion, Polomolok sakay sa motorsiklo atol sa pagsilbi ug warrant of arrest batok kaniya sa kasong attempted murder.

Kalit matud pa kining mipakanaog sa motor ug mibunot ug pusil samtang gadagan hinungdan nga napulisan sa kapulisan. Nakaangkon kini ug igo sa tuong bahin sa iyang paa.


Nasayran nga ang suspek ang anaa sa no.10 most wanted person sa Polomolok.

Pagpaklaro usab sa opisyal nga nalambigit usab matud pa ang suspek sa mga nagakahitabo nga mga robbery sa area sa Polomolok ingon man lambigit usab sa illegal nga droga.

Sa kasamtangan nagpabiling tingkagol sa selda sa PMPS ang maong dinakpan.(Reynald Timario)

Facebook Comments