Davao City – Patay ang usa ka wanted person human misukol sa kapolisan sa Sta Ana alas 6:45 sa hapon didto sa Barangay 23-C Quezon Boulevard syudad sa Davao.
Sa report gikan sa Sta Ana PNP naila ang napatay nga suspek nga mao si Jeff Ross Guday alyas Hapon, 35 anyos residente sa nahisgutang lugar.
Sumala pa sa dihang gisilbi sa kapolisan ang warrant of arrest batok sa suspek midagan kini padulong sa iyang lawak nga girentahan dayon gipusil ang kapulisan resulta sa pagbalos sa otoridad nga maoy hinungdan sa pagkaigo sa suspek sa likod nga bahin.
Nakahimo pa og dagan ang suspek pasulod sa maong barangay dayon nanghostage og usa ka estudyante ug aron maluwas kini gipusil sa kapulisan sa ikaduhang higayon si Guday.
Gidala pa ang suspek sa Southern Philippines Medical Center apan gideklara na kining dead on arrival sa attending physician diin nasuta nga duha kaigo ang naangkon sa suspek sa dughan ug liog nga bahin.
Samtang ang SOCO Team naglusad og parallel investigation ug narekober gikan sa crime scene area ang usa ka .38 Caliber revolver, duha ka basiyo ug laing lima ka bala.
Sa record gikan sa Sta Ana PNP ang suspek nga si Guday dunay kasong kalapasan sa R.A 9165 ug kasong pagpangawat ang na-file sa korte niadtong 2016 ug nalambigit usab sa akyat bahay, salisi, pagpanulis sa duha ka lugar sa Tugbok ug Toril ning dakbayan.
RadyoMan Don Pulayao
