Labangan, Zamboanga del Sur – Dakpan ang usa ka wanted person human gikasa sa kapulisan sa Labangan kauban sa 902nd Maneuvering Company sa Regional Mobile Force Battalion 9 ang operasyon batok sa pinangita sa balaod, ala una ang takna sa hapon karong adlawa sa Barangay Upper Sang-an, Labangan, Zamboanga Del Sur.
Ang dinakpan mao si Ronie Yusop Balimbingan, 51 anyos, minyo ug residente sa Barangay Upper Sang-an, Labangan, ning probinsya.
Ang pagdakop kang Balimbingan pinasikad sa gahum sa warrant of arrest ubos sa Criminal Case No. 1724-L ug Criminal Case No. 1722-L nga gi-issue ni Acting Presiding Judge, 9th Municipal Circuit Trial Court sa Labangan-Tukuran, 9th Judicial Region, Labangan, Zamboanga del Sur alang sa kasong Attempted Homicide ug Grave Coercion nga adunay pyansa nga mobalor ug 24 mil pesos bugti sa iyang temporaryong kagawasan.
Ang dinakpan ang gipaslak na karon sa Labangan MPS alang sa tukmang disposisyon.
