Wanted Person nga taga-Pagadian, nadakpan sa Labangan

22

Pagadian City – Nadakpan sa tropa sa kapulisan sa syudad sa Pagadian uban ang elemento sa Labangan PNP ang usa ka mag-uuma nga nalutsan sa Warrant of Arrest.
Gikasa ang joint police operation sa Purok Lakatan, Barangay Langapod, Labangan, Zamboanga del Sur nga miresulta sa pagkasikop sa target nga si Danilo Inanyog, 36-anyos, dunay live-in-partner ug residente sa Purok Bago, Barangay Datagan ning dakbayan.
Armado ang kapulisan sa Warrant of Arrest batok sa akusado sa kasong Homicide nga gipagawas ni Judge Felix Rodriguez, Jr., sa Regional Trial Court, Ninth Judicial Region, Branch 18, Pagadian City.
Gitugutan sa korte nga makapyansa ang dinakpan sa kantidad nga 48 mil pesos bugti sa iyang temporary nga kagawasan.
Ang dinakpan kasamtangan nga gipaslak sa Pagadian City Police Station detention cell samtang nag-paabot sa sunod nga lakang.

Facebook Comments

From Advertisers