Wanted person sa tulo ka kaso sa Misamis Oriental, detinado

Detinado karon ang 57 anyos nga si Bonifacio Gemino nga taga Purok-1, Barangay 23, Gingoog City.

Kini human masikop sa kapolisan sa Gingoog City Police Station tungod sa tulo ka warrant of arrest.

Ang maong warrant gi-isyu ni Hon. Giovanni Alfred Navarro, ang Presiding Judge sa RTC 10, Branch 27 sa Gingoog, alang sa kasong pagsupak sa Section 5(H) sa Republic Act 9262 kon The Anti-Violence Against Women and their Children Act of 2004 batok kang Gemino.


Samtang laing duha ka kasong pagsupak usab sa Republic Act 9262 ang gipasaka batok sa suspek ngadto sa sala ni Hon. Mirabeus Undalok, ang Presiding Judge sa RTC 10, Branch 43 sa Gingoog City.

Hinuon, mahimong makagawas si Gemino alang sa iyang temporaryong kagawasan kung makapyansa kini og 48 mil pesos alang sa tulo ka kasong pagsupak sa Republic Act 9262 nga gipasaka batok kaniya sa duha ka hukom.

By: RadyoMaN Ellah Baculio

Facebook Comments