General Santos City–Malampusong nasikop sa kapulisan ang usa ka wanted sa Cebu City nga dugay ng nagtago tago sa Gensan human gisilbihan ug warrant of arrest pasado alas 9:00 sa buntag sa Purok 6, Barangay Apopong ning dakbayan.
Ang dinakpan naila sa pangalang Allan Dichoso, 46 anyos, minyo, empleyado ug nanimuyo sa nasangpit nga lugar. Nasayran nga una ng gi-implementar sa San Isidro PNP ang warrant of arrest batok sa suspek sa kasong estafa dunay Criminal Case Number 46705 ilawom sa sala ni Hon. Judge Bienvenido Sanid Jr. sa RTC Branch 20, Cebu City nga pinetsahan pa niadtong Nobyembre 06. 1996.
Nasayran nga ang maong kaso ang dunay pyansang girekomenda ang korte nga mobalor sa 40,000 pesos alang sa temporaryong kagawasan sa suspek. Sa karun nagpabiling anaa sa kustodiya sa Police station 4 ang dinakpang wanted. (RV)
