Wanted sa kasong lugos-sikop

37

General Santos City—sikop ang usa ka wanted sa kasong Rape sa gihimong operasyon sa kapulisan sa Purok Green Ville, Barangay Calumpang, Gensan , alas 12:40 ang takna sa udto kagahapong adlawa, Pebrero, 14, 2018.

Suspek nailhang si Vicente Del Rosario, alias Jun-jun, 48, minyo, residenti kini sa nasangpit nga lugar.

Nasikop ang nasangpit pinasikad sa warrant of arrest sa kasong rape nga may criminal case no. 26160-65 nga gipagula ni Hon. Presiding Judge Dennis Velasco sa Branch 22, 11th Judicial Region, pinitsahan ug Setyembre 15, 2017.

Walay girekomendang pyansa ang korte sa kaso sa nasangpit nga suspetsado kansa wala na makapalag pa dihang gidakop sa tropa sa kapulisan. Sa karon balhog na sa silda sa kapulisan ang nasangpit nga suspek.

Facebook Comments