Wanted sa kasong pagpanglugos didto sa Lantapan, Bukidnon, arestado

19
PC: Lantapan MPS

Arestado ang usa ka lalakeng wanted sa kasong pagpanglugos pinaagi sa Intel-driven operation sa Lantapan Municipal Police Station nga giunhan ni PSMS Eric Aleman kinsa Officer in Charge sa Lantapan MPS.

 

Suspek mao si Ronnel alyas “Arod” Ligpusan, 34 anyos, minyo, usa ka mag-uuma ug residente sa Sitio Tagalawa, Kibangay, Lantapan, Bukidnon.


 

Nadakpan ang maong suspek alas kwatro y’medya sa hapon gahapong adlawa human gi-serve ang warrant of arrest sa kasong rape ubos sa criminal case number 20566-09 nga gi-isyu ni Hon. Pelagio Estopia, ang Presiding Judge sa RTC 10 Branch 8 Malaybalay City, Bukidnon pinetsahan niadtong Enero 12, 2010.

 

Ang kasong giatubang ni Ligpusan walay piyansa.

Facebook Comments

From Advertisers