Wanted sa kasong pagpanulis nadakpan

43

Zamboanga del Sur – Prisohan ang gitugpahan sa 31 anyos nga pinangita sa balaod dihang nadakpan sa gikasa nga police operation sa tropa sa Kapulisan sa Lungsod sa Margosatubig ning probinsya sa Zamboanga del sur.
Gikasa ang operasyon alas 5:00 kagahapon sa buntag sa Purok Baluno, Barangay Kalian, Magosatubig.
Armado ang kapulisan sa Warrant of Arrest batok sa target nga si Ronel Patpat aka “Onik”, 31 anyos, mag-uuma ug residente sa nahisgutang lugar.
Ang nadakpan nga suspek nag-atubang sa kasong Robbery with Violence and Intimidation nga gipagawas sa judge sa Regional Trial Court Branch 29, San Miguel, Zamboanga del Sur pinitsahan February 13, 2018.
Gikustodiya karon sa Margosatubig Municipal Police Station lock-up ang dinakpan apan gitugatan kini sa korte nga makatagamtam sa temporaryo nga kagawasan kun makapyansa sa kantidad nga P100,000 ka pesos.

Facebook Comments

From Advertisers