Libacao, Aklan — Arestado rong sangka wanted sa kasong Robbery with Homicide kaina it agahon sa Sitio Tagaytay, Brgy. Loctuga, Libacao, Aklan.
Rong akusado nakilaea kay Ariel Rantugan Gardose, 32-anyos ag residente it nasambit nga lugar.
Naaresto si Gardose ko mga Aklan PPO Trackers Team, Libacao MPS, 605th MARPSTA, Aklan PHPT ag PIS pinaagi sa bisa kung warrant of arrest nga may Criminal Case No. 15325 nga gin issue ni Hon. Montalid P. Patnubay, Presiding Judge, RTC 6, Branch 9, Kalibo, Aklan nga may petsang March 4, 2020.
Si Gardose hay suspek sa pagpatay ag pagpanakaw sa Collector it ASA Philippines Foundation Micro Finance nga si John Rey Sarbues Modera, 24-anyos it Lemery, Iloilo ko nagtaliwan nga Hulyo 26, 2019 it hapon sa Sitio Balisong, Pampango, Libacao.
Sa makaron rayang si Gardose hay una sa paghinakop it trackers team ag nakataeana nga iga turn-over sa korteng natungdan.
