Pinaka-una sa rehiyon ug bisan sa tibook nasud ang gipasaka sa militar nga kasong pagsupak sa Republic Act 9851 o war crimes batok sa duha ka grupo sa CPP-NPA-NDF sa sala ni RTC Branch 25 Presiding Judge Arthur Abudiente niadtong Nobyembre 20 ning tuiga.
Sa interview sa RMN Malaybalay ngadto kang BGen. Egdardo de Leon ang commading officer sa 403rd infantry brigade, PA gibutyag niini nga base sa record sa RTC Branch 25, kini ang pinaka-una nga kaso nga naduso sa kasundaluhan batok sa New Peoples Army kon NPA tungod sa kasupakan sa international humanitarian law kon IHL.
Nasayran nga maoy gikasuhan sa IHL ang mga rebeldeng NPA nga sakop sa sub-regional committee 1 ug2 ubos sa North Central Mindanao Regional committee.
Nag-ugat ang kaso dihang gi-harass sa NPA ang barangay tanod ug gisunog pa nila ang unom ka sakyanan sa usa ka plantasyon sa palm oil sa Sitio Aurora sa Brgy Sto. Niño, Manolo Fortich Bukidnon niadtong bulan sa Mayo ning tuiga.
Matud ni General de Leon nga klaro nga kasupakan sa IHL ang gihimo sa mga rebelde hinungdang sila gikasuhan.
Sigun niya nga pasiuna pa lamang kini tungod kay aduna pay dugang kaso ilang isang-at sa korter apil na ang assassination sa mga NPA nga gimando pa ni CPP Founder Joma Sison nga pahugtan pa sa SPARU sa NPA ang ilang operation.
