BACOLOD CITY – Nadakpan sa ginpatigayon nga drug buy bust operation sang Bacolod City Police Office Station 3 kag sang mga Intelligence Operatives ang isa ka babayi kag isa ka lalaki mga sa Purok Paraiso, Sitio Sibucao, Brgy. Banago, Bacolod City.
Suno kay Station 3 commander Police S/insp. Jun Ray Batadlan, ang nadakpan amo sanday Mark Montinola, 42 anyos ang edad, kasado kag pumuluyo sang St. Mary Apartment, 7th Lacson Street, Bacolod City kag Lelanie Acebedo, 36 anyos, single sang Sibucao.
Sa raid nga ginpatigayon mg alas 12:40 sini nga kaagahon sa amo nga lugar, natigayon nga makuha sa mga suspek ang isa ka big heat-sealed sachet sang ginasuspetsuhan shabu, 1k pesos nga marked money kag 3 ka elongated heat-sealed sachet sang suspected shabu.
Detained na karon sa custodial facility sang Police Station 3 ang mga nadakpan nga sanday Montinola kag Acebedo./dyHB BACOLOD
