WAR ON DRUGS | 3 dakop sa buy bust sa Bacolod, babaye dakop sa Kabankalan

NEGROS OCCIDENTAL – Tatlo ang nagkalakdapan sa ginpatigayon nga buy bust operation sa Barangay Alijis, syudad sang Bacolod, kagab-e.

Subject sa amo nga drug operation si Joey Oñate, 45 anyus, residente sang Purok Katilingban, Brgy. Alijis, Bacolod City.

Magluwas kay Oñate, duwa ka iban pa gid nga mga drug suspects ang nadakpan sang City Drugs Enforcment Unit.


Ini nga mga suspek ang gina-tudlo amo ang nagabaligya sang illegal nga droga sa mga estudyante sa amo nga lugar.

Samtang sa Kabankalan City naman, nadakpan man sa ginpatigayon nga buy bust operation ang isa ka babayi pasado las 10 kahapon sang aga.

Nakilala ang suspek nga si Leah Jimenez, 37 anyos ang edad, residente sang Tayum St., Brgy. 4 ciudad sang Kabankalan.

Na-recover sa possession ni Jimenez ang isa ka gamay nga heat-sealed transparent plastic sachet sang suspected shabu, isa ka daku nga heat-sealed transparent plastic sachet sang ginasuspetsuhan nga shabu, isa ka bulto nga may unod 10 ka magagmay nga plastic sachet, kilohan, cash kag drug paraphernalia.

Sa karon si Jimenez ang detained na sa custodial facility sang Kabankalan City Police Station./dyHB BACOLOD

Facebook Comments