WAR ON DRUGS | 9 ka mga drug personalities arestado sa drug operations sa Bacolod

1178

BACOLOD CITY – Nagresulta sa pagka aresto sang siyam tanan ka mga drug personalities ang ginpatigayon nga simultaneous ukon sunod sunod nga Enhanced Anti-Illegal Drug Operations kahapon sa ciudad sang Bacolod.

Ang operasyon ginpatigayon sang City Drug Enforcement Unit sa pagpamuno ni P/Supt. Nasruddin Tayuan kag sang Stations Drug Enforcement Unit sa pagpanguna sang mga Station Commanders sang Bacolod City Police Office sa idalum ni Police S/Supt. Francisco Ebreo nga amo naman ang Officer-in-charge sang BCPO.

Sa 9 ka mga drug personalities, isa diri ang yara sa category nga High Value Target ukon HVT, 2 ang Street Level Targets ukon STL kag 6 ang makabig “newly identified.”

Ginpahayag nga sa amo nga operasyon, nakatigayon nga maka recover ang pulis sang 35 tanan ka heat sealed transparent sachet sang suspected shabu nga ginabulubanta nagabug-at sang 13 grams kag ginabulubanta nagabili sang masobra P195 mil pesos.

Nahibaluan nga ang One Time Big Time ang pamaagi sang BCPO sa pagpadala sang mensahe sa tanan nga mga drug operators sang ka seryoso sang pulis sa kampanya sini batuk sa illegal nga druga./dyHB BACOLOD

Facebook Comments