BACOLO CITY – Nagahinulsol man apang wala na sang may mahimo pa ang isa ka iloy matapos ini nadakpan sa buy bust operation nga ginpatigayon pasado las 2 kahapon sang hapon sa Purok Cagaygay, Brgy. 2, Bacolod City.
Ang suspek nakilala kay Dioscoro Carmelotes, 51 anyos ang edad, tumandok sang Calatrava kag temporaryo nga naga puyo sa amo nga lugar.
Suno kay Nanay Dioscoro nga wala siya sang may nahibaluan nga trabaho kundi amo ang pagbaligya sang shabu agud may isagod sa iya 9 tanan ka mga kabataan.
Siling ni Nanay Socorro, ini siya ang naga income sang kapin 600 pesos kada adlaw sa pagbaligya sang illegal drugs.
Daku ang mabulig sini sa ila matag-adlaw nga kakinahanglan suno sa suspek bangud naga-isahanon lang siya nga nagasagud sa iya mga kabataan matapos ini ginbayaan na sang iya bana.
Gin-ako sang suspek nga sa gihapon madamo pa sang ginakuhaan sang druga diri sa ciudad.
Sa karon detained na sa custodial facility sang Police Station 2 ang suspek kag natalana nga pasakaan sang kaso nga illegal drugs./dyHB BACOLOD
