WAR-ON-DRUGS | Mag-asawa dakop sa buy-bust

48

BACOLOD CITY – Imbes magtatap pamilya sa panimalay, prisuhan ang gintup-an sang mag-asawa matapos nga ini sila ang nadakpan sa ginpatigayon nga buy bust operation kagab-I sa Purok Cereza Uno, Brgy. 27, Bacolod City.

Nakilala ang mag-asawa nga suspect nga amo sanday Render Alvaran, 37 anyos, may pending nga warrant of arrest sa kaso man nga illegal drugs kag asawa niya nga si Glaiza Alvaran, 31 anyos.

Lakip man sa nadakpan ang isa pa ka babayi nga nakilala kay Marsha Lyn Ubas, 40 anyos pumuluyo man sang amo na lugar.

Ang raid ginpatigayon sang joint team sang Bacolod City Police Office kag sang City Drugs Enforcement Unit (CDEU).

Nakuha sa mga suspek ang 14 tanan ka elongated sachet sang ginapatihan shabu kag may market value nga 14 mil pesos.

Ginpahayag sang head sang CDEU nga si Police/Insp. Adrian James Albaytar nga madugay na nga under surveillance si Alvaran kasunod nga nangin subject na ini sadto sang drug operation sang PDEA sa Brgy. Handumanan apang ini ang nakapalagyo.

Sa karon detained na sa custodial facility sang Police Station 4 ang tatlo ka mga suspect./dyHB BACOLOD

Facebook Comments