BACOLOD CITY – Nagdangat sa kapin P3.8 million pesos nga balor sang illegal nga druga ang natigayon nga ma confiscate sa mga illegal drug operation nga ginpatigayon sang Bacolod City Police Office sa sulod lamang sang 15 ka adlaw.
Ini ang kabahin sang ginpagwa nga accomplishment report ang BCPO sa bahin sang ila operasyon sa illegal nga druga sa sulod lang sang duha ka semana.
Ang City Drug Enforcement Unit ang naka-file man sang kaso batok sa walo ka mga suspek nga nagkaladakpan sa buy bust operation humalin Abril 1 tubtob Abril 15.
Ang pinaka-daku nga operasyon sang kapulisan sini amo nga bulan amo ang pagka-dakup kay Jeffrey Virgel, sang Brgy. 33 sadtung Abril 10 sa kapin sa P3.7 million nga balor sang shabu ang naka-recover sang otoridad.
Suno kay Senior Supt. Francisco Ebreo, Bacolod Police officer-in-charge, nga padayon ang surveillance sang ila mga operatives kon sa diin naga-halin ang supply sang illegal nga droga sa Bacolod./dyHB BACOLOD
