War plan sa US og South Korea, gikawat

Gikawat sa mga computer hacker sa North Korea ang pipila ka mga gatusan nga mga classified military documents sa South Korea, apil na ang mga detalyadong wartime operational plans niini og mga kaalyadong US.

Gibutyag ni Rhee Cheol-Hee, usa ka magbabalaod gikan sa ruling Democratic party, nga gisulod sa hackers ang military network sa South Korea kaniadtong Setyembre sa nakalabayng tuig og nakuha ang 235 gigabytes sa mga sensitibo nga mga impormasyon.

Apil sa mga nakawat matud pa ang Operational Plans 5015 kung ugaling man nga mahagbong sa gyera ang gubot sa South Korea og North Korea, ingon man ang mga planong asasinasyon kang Kim Jong-Un.


Dugang pa ni Rhee, miyembro sa defense committee , nga adunay 80 porsyento ang gikawat nga dokumento ang wala pa nabutyag ang unod.

Apan apil sa mga nakawat mao ang contingency plan sa special forces sa South Korea apil na ang detalye sa tinuig nga joint military exercise sa US og ang impormasyon sa mahinungdanong pasilidad og power plants. ( The Guardians)

Facebook Comments