WARNING SHOT | Tanod nagwarning shot sa kinagamo sa pista, nagbanda sa semento, naigo ang soltero

1920

KABANKALAN, NEGROS OCCIDENTAL – Nabiktima sang accidental firing ang isa ka soltero sa isa ka piesta sa ciudad sang Kabankalan kahapon sang kaagahon.

Nakilala ang biktima nga si Ian Colagnos, 21 anyos ang edad, pumuluyo sang Brgy. Salong, Kabankalan.

Suno sa imbestigasyon, may mga las 2 kahapon sang kaagahon, durante nga nagapatigayon sang kapiestahan sa Brgy. Salong, may natabo nga komosyon bangud may nag-away nga mga persona.

Ginpahayag nga gilayon nga nagresponder ang isa ka barangay tanod kon diin nagpatigayon ini sang warning shot sa idalum gani sa semento nag-igo ang bala.

Nahibaluan nga nag-banda ang bala kag nag-igo ini sa tiil sang biktima nga si Ian.

Dali-dali nga gindala sa Corazon Locsin Montelibano Memorial Regional Hospital ang biktima kag padayon ini karon didto nga ginabulong./dyHB BACOLOD

Facebook Comments