Davao City – Gipaklaro karon sa Davao City Police Office (DCPO) ang alegasyon nga daghang mga pulis sa Davao International Airport, aron dakpon si Kanhi Presidente Rodrigo Roa Duterte.
Base sa nadawat nga impormasyon, adunay daghang pulis sa airport, aron dakpon ang kanhi Presidente subay sa Orden de Aresto nga gipagula sa International Criminal Court (ICC).
Sa interview sa DXDC RMN Davao kang Davao City Police Office Spokesperson Police Capt. Hazel Caballero Tuazon gibutyag niya, ang nikatag nga impormasyon nga dakpon ang kanhi presidente dili tinuod.
Segun ni Tuazon, walay gipagawas nga warrant of arrest batok sa kanhi Pangulong Duterte.
Gipasabot sab sa opisyal ang presensya sa kapulisan sa airport nga kabahin lang kini sa paghatag og seguridad sa lugar, ilabi na ang presensya sa Regional Mobile Force Battalion, gawas sa mga sakop sa Airport Police.
RadyoMaN Bien Abanos
Facebook Comments
