Warrant Officer sa Koronadal City Police Office, gipusil-patay

17

Koronadal City— Dead on the spot ang usa ka pulis human kining gipusil sa upat ka mga suspek sa may Brgy. GPS, Koronadal, alas 10 ang takna sa gabii samtang kini nagpahigayon ug surveillance.

Giila ni Police Senior Superintendent Joel Limson, Provincial Director sa South Cotabato Provincial Police Office ang biktima mga si PO1 Diamond Muega nga nakabase sa warrant section sa Koronadal City Police Station.

Sumala niya nga basi sa pamahayag sa mga testigo upat ka mga tawo nga sakay sa duha ka motorsiklo ang suspek sa pagpusil kay PO1 Muega.

Dugang pamahayag ni PSsupt. Limson nga kumpyansang naghimo sa iyahang trabaho ang biktima gumikan wala matud pay insidente sa Koronadal nga ginapatay ang mga miyembro sa kapulisan.

Gani wala matud pa nila gilauman ang maong panhitabo gumikan kung basihan, adunay daghang tao sa lugar dihang nahitabo ang insidente.

Rason nga dako matud pa ang posibilidad nga nataymingan lang nga anaa sa lugar ang biktima o posibleng kini nasundan sa mga suspek.

Kalabot niini gibutyag ni PSsupt. Limson nga aduna na silay anggulo nga ginatutukan apan nagdumili una kini nga ibutyag.

Samtang aduna usba silay grupo nga gintutukan nga maoy responsale sa maong krimen ug gilauman nga mapasang-at ang kaso sa dili madugay.

Narekober man usab sa crime scene ang mga basyo sa kalibre 45 nga gituuhang gigamit sa krimen.

Facebook Comments