Padayong masinati sa Northern Mindanao ang weak El Niño sa mga bulan sa HUNYO-HULYO-AGOSTO 2019 hangtod na sa katapusan sa tuig.
Matud sa City Disaster Risk Reduction and Management Department o CDRRMD nga gikan sa bulan sa Hunyo 2019, ang mga probinsya sa Mindanao nakatagamtam sa duol sa normal (i.e. +20% o -20% nga pagkubos gikan sa average) nga pag ulan.
Tungod niini ang mga probinsya sa Misamis Oriental; Bukidnon; Camiguin magpabiling apektado sa “Dry Spell”.
Sa kasamtangan, ang Misamis Occidental ug Lanao del Norte magpabiling apektado usab sa “Drought”.
Ang “Drought” nagpamatoud nga sa tulo ka sunod-sunod na mga bulan nakatagamtam lamang ug ubos sa normal (>60% nga pagkubos gikan sa average) o lima ka sunod-sunod nga mga bulan (21%-60% nga pagkubos gikan sa average) nga pag ulan.
Samtang ang “Dry Spell” nagpahulagway nga sa tulo ka sunod-sunod na mga bulan nakatagamtam lamang ug ubos sa normal (21%-60%) nga pag ulan.
Basi sa nagkalaing-laing Climate Models sugod sa bulan sa HUNYO 2019, ang dakong bahin sa Mindanao posibling maka-sinati sa normal nga pag ulan.
Dugang pa niini ang pagsugod sa Rainy Season posibling matagamtam sulod sa bulan sa HUNYO.
Ang PAGASA, inubanan sa CDRRMD, pabilin sa pag-monitor sa kondisyon ug padayon sa paghatag ug mga pahimangno.
