Weather Forecast: Mindanao posibleng ulanon

13

Davao City – Posible gihapong ulanon ang Mindanao karong adlawa ilabi na unyang hapon.

Sumala ni Al Lumaan sa Pag-asa Davao atol sa pakighinabi sa DXDC RMN Davao nga bisan wala nay trough sa low pressure nakaapekto gihapon karon sa panahon ang easterlies o ang kusog nga hangin gikan sa sidlakang bahin.

Base sa lakat sa panahon nga gipagula sa pag-asa davao, Ang mga rehiyon sa Caraga, Davao, Soccsksargen ug Zamboanga Peninsula makasinati sa madag-umon nga kalangitan inubanan sa katag-katag nga pag ulan, kilat ug dalugdog epekto sa Easterlies. Samtang ang ubang bahin sa Mindanao makasinati sa panalagsang pagdag-um ngadto sa madag-umon nga kalangitan inubanan sa pat-ak pat-ak nga pag ulan, kilat ug dalugdog tungod sa localized thunderstorms. Hinay ngadto sa kasarangan nga hangin ang magagikan sa Sidlakan ngadto na sa Amihanang sidlakang direksyon ug hapsay ngadto sa kasarangan ang balud sa kadagatan.

RadyoMaN Renz Barbarona

Facebook Comments