5:50 AM 05SEP2020
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, ang sentro sa gibantayang Bagyong (Typhoon) “KRISTINE” adunay gilay-ong 1,135 km Sidlakan Amihanang-sidlakan (East Northeast) nga bahin sa Extreme Northern Luzon; kakusgong 195 kph; ug 20 kph nga paglihok sa Amihanang-kasadpan (Northwestward) ganihang 3:00 sa buntag. Ang bagyo gamay ang posibilidad nga mo-landfall sa nasud ug posibling mo-gawas sa PAR karong Sabado (05 September) sa gabii o Domingo (06 September) sa buntag.
Ang tibuok Mindanao dili apektado sa Bagyo apan maka-sinati sa panalagsang pagdag-um ngadto na sa madag-umon nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “localized thunderstorms”.
Hinay (light) ngadto sa kasarangan (moderate) nga hangin gikan sa Habagatan (South) ngadto sa Habagatang-kasadpan (Southwest) maoy mo-resulta sa 0.6 – 2.1 meters nga balud sa kadagatan sa tibuok Mindanao.
Nagpabiling mapanganuron ang Cagayan de Oro karong orasa.
Mapanganuron sa Libona; Mampayag, Dahilayan ug Lindaban, Manolo Fortich karong orasa. (Kining mga lugara maao ang tinubdan sa tubig nga makapabaha sa Lapasan paingon sa Bugo).
Mapanganuron usab sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan).
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
