Weather Update! Bagyong Marce, gibantayan sa PAG-ASA

64
PC: CDRRMD / PAG-ASA

5:30 AM 21SEP2020

Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, ang sentro sa gibantayang Bagyong (Tropical Depression) “MARCE” , anaa sa gilay-ong 1,300 km Sidlakan Amihanang- sidlakan ( East Northeast) nga bahin sa Extreme Northern Luzon; kakusgong 55 kph ug halos walay paglihok ang bagyo ganihang 3:00 sa buntag. Ang Bagyo walay direktang epekto sa nasud ug posibling mo-gawas sa PAR karong Lunes (21 September) sa buntag o hapon.

 

Samtang adunay gibantanyang bag-ong Low Pressure Area (LPA) sulod sa Philippine Area of Responsibility (PAR) nga anaa sa gilay-ong 75 km Amihanang- sidlakan (Northeast) sa Borongan City, Eastern Samar. Ang LPA gamay ang tsansa nga mamahimong Bagyo.

 

Ang Northern Mindanao dili apektado sa Bagyo ug LPA apan maka-sinati sa panalagsang pagdag-um ngadto sa madag-umon nga kalangitan inubanan sa pa-ak pat-ak nga pag ulan, kilat ug pagpanalugdog tungod sa “localized thunderstorms”.

 

Forecast Positions:

– 24 Hour (Tomorrow evening): 1,370 km East Northeast of Extreme Northern Luzon (OUTSIDE PAR)

-48 Hour (Tuesday evening):1,530 km Northeast of Extreme Northern Luzon (OUTSIDE PAR)




Hinay (light) nga hangin gikan sa Habagatang-kasadpan (Southwest) nga maoy mo-resulta sa 0.6 – 1.2 meters nga balud sa kadagatan sa tibuok Mindanao.

 

Nagpabiling mapanganuron sa Cagayan de Oro karong orasa.

 

Mapanganuron sa Libona; Mampayag, Dahilayan ug Lindaban, Manolo Fortich karong orasa. (Kining mga lugara mao ang tinubdan sa tubig nga makapabaha sa Lapasan paingon sa Bugo).

 

Mapanganuron sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan).

 

NORMAL ang LEVEL sa tubig sa mga suba sa Cagayan ug Iponan.

 

Samtang, CDRRMD pabilin sa pag monitor.

Facebook Comments