Weather Update! Bagyong Rolly ug Bagyong Siony, padayong gibantayan sa PAG-ASA

24
PC: CDRRMD / PAG-ASA

5:55 AM 03NOV2020

Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, ang sentro sa gibantayang Bagyong (Tropical Storm) “ROLLY” anaa na sa gilay-ong 450 km Kasadpan (West) nga bahin sa Iba, Zambales; kakusgong 65 kph; ug paglihok nga 15 kph Kasadpan (Westward) ganihang 3:00 sa buntag. Ang Bagyo posibling mo-gawas sa Philippine Area of Responsibility (PAR) karong adlawa.


 

Samtang ang sentro sa gibantayang Bagyong (Tropical Storm) “SIONY” anaa na sa gilay-ong 595 km Sidlakan (East) nga bahin sa Calayan, Cagayan; kakusgong 75 kph; ug halos walay paglihok ganihang 3:00 sa buntag.

 

Ang tibuok Mindanao dili direktang apektado sa Bagyong (Tropical Storm) “ROLLY” ; Bagyong (Tropical Storm) “SIONY”; ug Northeasterly Surface Windflow apan makasinati sa panalagsang pagdag-um ngadto sa madag-umon nga kalangitan inubanan sa pat-ak pat-ak nga pag ulan tungod sa “Localized Thunderstorms”.

 

Hinay (light) ngadto sa kasarangan (moderate) nga hangin gikan sa Habagatang-sidlakan (Southeast) ngadto sa Habagatang-kasadpan (Southwest) maoy mo-resulta sa 0.6 – 2.1 meters nga balud sa kadagatan sa tibuok Mindanao.

 

Walay pag ulan sa Cagayan de Oro karong orasa.




 

Walay pag ulan sa Libona; Mampayag, Dahilayan ug Lindaban, Manolo Fortich karong orasa. (Kining mga lugara mao ang tinubdan sa tubig nga makapabaha sa Lapasan paingon sa Bugo).

 

Walay pag ulan usab sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan).

 

NORMAL ang LEVEL sa tubig sa mga suba sa Cagayan ug Iponan.

 

Samtang, CDRRMD pabilin sa pag monitor.

Facebook Comments