Weather Update! Bagyong Sarah, posibling mugawas sa PAR unyang gabii o ugma sa buntag

PC: CDRRMD / PAG-ASA

4:55 AM 22NOV2019

Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, ang sentro sa gibantayang Bagyong (Severe Tropical Storm) “SARAH” anaa sa gilay-ong 345 km Amihanang-sidlakan (Northeast) nga bahin sa Basco, Batanes; kakusgong 95 kph ug paglihok nga 20 kph Amihanan (North). Ang bagyo posibling mugawas sa Philippine Area of Responsibility (PAR) unyang gabii (November 22) o ugma sa buntag (November 23).

Ang tibuok Mindanao dili direktang apektado sa Bagyo ug Amihan (Northeast Monsoon) apan maka-sinati sa panalagsang pagdag-um ngadto na sa madag-umon nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “localized” thunderstorms.


Forecast Position:
– 24 Hour(Tomorrow morning): 580 km North Northeast of Basco, Batanes
– 48 Hour(Sunday morning): 1,065 km North Northeast of Extreme Northern Luzon (OUTSIDE PAR)

Hinay (light) ngadto sa kasarangan (moderate) nga hangin ang magagikan sa Sidlakan (East) ngadto sa Amihanang-sidlakan (Northeast) maoy mo-resulta sa 0.6 – 2.1 meters nga balud sa kadagatan sa tibuok Mindanao.

Walay pag ulan sa Cagayab de Oro karong orasa.

Walay pag ulan sa Libona; Mampayag, Dahilayan ug Lindaban, Manolo Fortich. (Kining mga lugara mao ang tinubdan sa tubig nga makapabaha sa Lapasan paingon sa Bugo)

Walay pag ulan usab sa Talakag ug Baungon. (Kining mga lugara ang makapasaka sa tubig sa suba sa Cagayan)

NORMAL ang LEVEL sa tubig sa mga suba sa Cagayan ug Iponan.

Samtang, CDRRMD pabilin sa pag monitor.

 

Facebook Comments