Weather Update! Bagyong Siony ug LPA, gibantayan sa PAG-ASA

49
PC: CDRRMD / PAG-ASA

5:45 AM 06NOV2020

Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, ang sentro sa gibantayang Bagyong (Severe Tropical Storm) “SIONY” anaa na sa gilay-ong 60 km Sidlakan Amihanang-sidlakan (East Northeast) nga bahin sa Basco, Batanes o 70 km Sidlakan (East) nga bahin sa Itbayat, Batanes; kakusgong 95 kph; ug paglihok nga 20 kph Kasadpan (Westward) ganihang 4:00 sa buntag. Ang Bagyo posibling mo-landfall o molabay duol sa palibot sa Batanes sulod sa 2 – 3 ka oras ug mo-gawas sa Philippine Area of Responsibility (PAR) karong gabii.


 

Samtang ang gibantayang Low Pressure Area (LPA) GAWAS sa PAR anaa na sa gilay-ong 1,515 Sidlakan (East) nga bahin sa Mindanao. Ang LPA posibling mo-sulod sa PAR karong hapon o gabii ug DAKO ang tsansa nga mahimong Bagyo (Tropical Depression) ug nganlang Bagyong “TONYO” sulod sa 48 – 72 ka oras.

Ang tibuok Mindanao dili apektado sa Bagyong (Severe Tropical Storm) “SIONY”; ug Trough o Extension sa Bagyong (Severe Tropical Storm) “SIONY” apan makasinati sa panalagsang pagdag-um ngadto sa madag-umon nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “Localized Thunderstorms”.

 

Forecast Positions:

– 24 Hour(Tomorrow morning): 265 km West Northwest of Itbayat, Batanes




– 48 Hour(Sunday morning):570 km West of Basco, Batanes

– 72 Hour(Monday morning): 770 km West of Laoag City, Ilocos Norte

Hinay (light) ngadto sa kasarangan (moderate) nga hangin gikan sa Amihanang-sidlakan (Northeast) ngadto sa Amihanang-kasadpan (Northwest) maoy mo-resulta sa 0.6 – 2.5 meters nga balud sa kadagatan sa tibuok Mindanao.

 

Mapanganuron sa Cagayan de Oro karong orasa.

 

Mapanganuron sa Libona; Mampayag, Dahilayan ug Lindaban, Manolo Fortich karong orasa. (Kining mga lugara mao ang tinubdan sa tubig nga makapabaha sa Lapasan paingon sa Bugo).

 

Mapanganuron usab sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan).

 

NORMAL ang LEVEL sa tubig sa mga suba sa Cagayan ug Iponan.

 

Samtang, CDRRMD pabilin sa pag monitor.

Facebook Comments