5:50 AM 22OCT2020
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, ang sentro sa gibantayang Bagyong (Severe Tropical Storm) “PEPITO” anaa na sa gilay-ong 380 km Kasadpan (West) nga bahin sa Dagupan City, Pangasinan; kakusgong 100 kph; ug paglihok nga 10 kph Kasadpan Amihanang-kasadpan (West Northwestward) ganihang 4:00 sa buntag. Ang Bagyo posibling mo-gawas sa Philippine Area of Responsibility (PAR) karong buntag o hapon. Ang sentro sa gibantayang Bagyo (Tropical Depression) GAWAS sa PAR anaa na sa gilay-ong 1,870 km Sidlakan Amihanang-sidlakan (East Northeast) nga bahin sa Extreme Northern Luzon; kakusgong 45 kph; ug hinay nga paglihok Sidlakan Amihanang-sidlakan (East Northeastward) ganihang 4:00 sa buntag. Ang Bagyo nagpabiling GAMAY ang tsansa nga mo-sulod sa PAR.
Samtang ang gibantayang Low Pressure Area (LPA) GAWAS sa PAR anaa na sa gilay-ong 1,660 km Sidlakan (East) nga bahin sa Mindanao. Ang LPA posibling mo-sulod sa PAR karong ug DAKO ang tsansa nga mamahimong Bagyo (Tropical Depression).
Ang tibuok Mindanao dili apektado sa Bagyo (Severe Tropical Storm) “PEPITO”; ug Trough o Extension sa Bagyo apan nagpabiling makasinati sa panalagsang pagdag-um ngadto sa madag-umon nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “Localized Thunderstorms”.
Hinay (light) ngadto sa kasarangan (moderate) nga hangin gikan sa Habagatang-kasadpan (Southwest) ngadto sa Habagatan (South) maoy mo-resulta sa 0.6 – 2.5 meters nga balud sa kadagatan sa tibuok Mindanao.
Madag-umon sa Cagayan de Oro karong orasa.
Madag-umon sa Libona; Mampayag, Dahilayan ug Lindaban, Manolo Fortich karong orasa. (Kining mga lugara mao ang tinubdan sa tubig nga makapabaha sa Lapasan paingon sa Bugo).
Madag-umon usab sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan).
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
