WEATHER UPDATE | Easterlies at hanging amihan, umiiral sa bansa

20

Dalawang weather system ang umiiral ang bansa.

Una ay ang easterlies na nakakaapekto sa silangang bahagi ng bansa na maghahatid ng mainit at maalinsangang panahon.

Ikalawa ay ang northeast monsoon o hanging amihan na patuloy na lumalakas sa dulong hilagang Luzon.

Ang buong Luzon kasama ang Metro Manila ay magiging maaliwalas ang panahon maliban sa mga pag-ulan sa Batanes at Babuyan Group of Islands.

Sa Visayas, mainit at maalinsangan subalit may mga pag-ulan sa Samar, Leyte, Cebu at Bohol.

Maganda rin ang panahon sa nalalabing bahagi ng Mindanao maliban sa Caraga at Davao Region na may kalat-kalat na pag-ulan.

Nakataas ang gale warning sa mga baybayin ng Batanes, Calayan, Babuyan, Ilocos Provinces, La Union at Pangasinan.

Facebook Comments