Weather Update! LPA, dako ang posibilidad nga mamahimong bagyo sulod sa 24 oras

149
PC: CDRRMD / PAG-ASA

6:30 AM 26AUG2019

Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo apan adunay gibantayang Low Pressure Area (LPA) sulod sa Philippine Area of Responsibility (PAR). Kini anaa sa gilay-ong 770 km Sidlakan (East) nga bahin sa Guiuan, Eastern Samar ganihang 3:00 sa buntag. Ang LPA DAKO ang posibilidad nga mamahimong bagyo sulod sa 24 oras.


 

Ang Northern Mindanao dili apektado sa Trough o extension sa LPA ug Habagat (Southwest Monsoon) apan maka-sinati sa p analagsang pagdag-um ngadto na sa mapanganuron nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “localized” thunderstorms.

 

Hinay (light) ngadto sa kasarangan (moderate) nga hangin gikan sa Habagatang kasadpan (Southwest) ngadto sa kasadpan (West) nga maoy mo-resulta sa 0.6 – 2.1 meters nga balud sa kadagatan sa Northern Mindanao.

 

Madag-umon ngadto sa hinay (light) nga pag ulan ang nasinati sa Cagayan de Oro karong orasa.

 

Madag-umon ngadto sa hinay (light) nga pag ulan ang nasinati sa ubang parti sa Libona; Mampayag, Dahilayan ug Lindaban, Manolo Fortich. (Kining mga lugara mao ang tinubdan sa tubig nga makapabaha sa Lapasan paingon sa Bugo)



 

Nagpabiling mapanganuron sa Talakag ug Baungon. (Kining mga lugara ang makapasaka sa tubig sa suba sa Cagayan)

 

NORMAL ang LEVEL sa tubig sa mga suba sa Cagayan ug Iponan.


 

Samtang, CDRRMD pabilin sa pag monitor.

Facebook Comments