Weather Update! LPA, dako ang posibilidad nga mamahimong Bagyo

29
PC: CDRRMD / PAG-ASA

5:30 AM 16OCT2019

Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo apan adunay gibantayang bag-ong Low Pressure Area (LPA) sulod sa Philippine Area of Responsibility (PAR). Ang gibantayang LPA anaa sa gilay-ong 1,335 km Sidlakan (East) nga bahin sa Baler, Aurora ganihang 3:00 sa buntag. Ang LPA DAKO ang posibilidad nga mamahimong Bagyo sulod sa 24-48 ka oras.


Ang tibuok Mindanao dili direktang apektado sa LPA ug Northeasterly Surface Windflow apan maka-sinati sa madag-umon nga kalangitan inubanan sa katag- katag nga pag ulan tungod sa Intertropical Convergence Zone (ITCZ).

Ang ITCZ mao ang pagtabo sa hangin gikan sa Northern ug Southern Hemispheres duol sa equator. Kini nga pagtabo mo-resulta sa mga baga nga panganod nga gadala ug pag ulan.

Hinay (light) ngadto sa kasarangan (moderate) nga hangin nga magagikan sa Amihanang-sidlakan (Northeast) maoy mo-resulta sa 0.6 – 2.1 meters nga balud sa kadagatan sa tibuok Mindanao.

Gi-wala na ang tanang Thunderstorm Advisories sa tibuok Mindanao, kini basi sa pahimangno sa PAGASA ganihang 4:20 sa buntag.

Walay pag ulan sa Cagayan de Oro karong orasa.

Walay pag ulan sa Libona; Mampayag, Dahilayan ug Lindaban, Manolo Fortich. (Kining mga lugara maao ang tinubdan sa tubig nga makapabaha sa Lapasan paingon sa Bugo).

Walay pag ulan usab sa Talakag ug Baungon. (Kining mga lugara ang makapasaka sa tubig sa suba sa Cagayan).

NORMAL ang LEVEL sa tubig sa mga suba sa Cagayan ug Iponan.

Samtang, CDRRMD pabilin sa pag monitor.

Facebook Comments

From Advertisers