5:20 AM 08JAN2021
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo apan ang gibantayang Low Pressure Area (LPA) nga nalakip usab subay sa Intertropical Convergence Zone (ITCZ) anaa na sa gilay-ong 240 km Sidlakan (East) nga bahin sa Davao City ganihang 3:00 sa buntag. Ang LPA nagpabiling GAMAY ang tsansa nga mahimong bagyo sulod sa 24 oras.
Ang tibuok Mindanao dili direktang apektado sa LPA ug Amihan (Northeast Monsoon) apan makasinati sa panalagsang pagdag-umon ngadto sa madag-umon nga kalangitan inubanan sa pat-ak pat-ak nga pag ulan, kilat ug pagpanalugdog tungod sa Intertropical Convergence Zone (ITCZ).
Hinay (light) ngadto sa kasarangan (moderate) nga hangin gikan sa Sidlakan (East) ngadto sa Amihanang-sidlakan (Northeast) maoy mo-resulta sa 0.6 – 2.1 meters nga balud sa kadagatan sa tibuok Mindanao.
Walay pag ulan sa Cagayan de Oro karong orasa.
Walay pag ulan sa Libona; Mampayag, Dahilayan ug Lindaban, Manolo Fortich karong orasa. (Kining mga lugara mao ang tinubdan sa tubig nga makapabaha sa Lapasan paingon sa Bugo).
Walay pag ulan usab sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan).
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
