Weather Update! LPA, posibling mahimong bagyo samtang Bagyong Mangkhut posibling mosulod sa PAR karong Miyerkules!

109
PC: CDRRMD

5:35 AM 10SEP18

Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo apan adunay gibantayang Low Pressure Area (LPA) SULOD sa Philippine Area of Responsibility (PAR) nga anaa sa gilay-ong 200 km Amihanan (North) nga bahin sa Basco, Batanes ganihang 3:00 sa buntag.

 

Ang LPA posibling mahimong Bagyo (Tropical Depression) sulod sa 36 ka oras ug nganlang Bagyong “NENENG”.

 

Samtang ang Bagyo (International name Typhoon “MANGKHUT” ) nga naa GAWAS sa PAR anaa na sa gilay-ong 2,745 km Sidlakan (East) nga bahin sa Southern Luzon; kakusgong 130 kph; ug paglihok nga 35 kph Kasadpan Habagatang-kasadpan (West Southwest) ganihang 3:00 sa buntag.

 

Ang Bagyong Mangkhut posibling mosulod sa PAR karong Miyerkules (September 12) ug mogawas kini pagka Sabado (September 15) o Domingo (September 16).

 

Ang Northern Mindanao dili apektado sa LPA ug Bagyong Mangkhut apan maka-sinati sa panalagsang pagdag-um ngadto na sa madag-umon nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “localized” thunderstorms.

 

Hinay (light) ngadto sa kasarangan (moderate) nga hangin gikan sa Habagatang-kasadpan (Southwest) ngadto sa Kasadpan (West) maoy mo-resulta sa 0.6 – 2.1 meters nga balud sa kadagatan sa Northern Mindanao.

 

Gi-wala na ang tanang Thunderstorm Advisories sa tibuok Mindanao, basi sa pahimangno sa PAGASA ganihang 5:25 sa buntag.

 

Walay natala nga pag ulan sa CDO karong orasa.

 

Mapanganuron sa Libona; Mampayag, Dahilayan ug Lindaban, Manolo Fortich. (Kining mga lugara mao ang tinubdan sa tubig nga makapabaha sa Lapasan paingon sa Bugo).

 

Mapanganuron usab sa Talakag ug Baungon. (Kining mga lugara ang makapasaka sa tubig sa suba sa Cagayan).

 

NORMAL ang LEVEL sa tubig sa mga suba sa Cagayan ug Iponan.

 

Samtang, CDRRMD pabilin sa pag monitor.

 

Facebook Comments