5:10 AM 15JAN2020
Gipahibalo sa City Disater Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, ang gibantayang Low Pressure Area (LPA) sulod sa Philippine Area of Responsibility (PAR) anaa na sa gilay-ong 410 km Sidlakan (East) nga bahin sa Hinatuan, Surigao del Sur ganihang 3:00 sa buntag. Ang LPA GAMAY ang tsansa nga mamahimong bagyo ug posibling malusaw sulod sa pipila ka adlaw.
Ang tibuok Mindanao dili apektado sa Amihan (Northeast Monsoon) ug Tail-End of a Cold Front apan maka-sinati sa panalagsang pagdag-um ngadto na sa madag-umon nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “localized” thunderstorms.
Hinay (light) ngadto sa kasarangan (moderate) nga hangin gikan sa Amihanang-sidlakan (Northeast) maoy mo-resulta sa 0.5 – 2.0 meters nga balud sa kadagatan sa Mindanao.
Nagpabiling mapanganuron ang ubang parti sa Cagayan de Oro karong orasa.
Walay pag ulan sa Libona; Mampayag, Dahilayan ug Lindaban, Manolo Fortich.(Kining mga lugara mao ang tinubdan sa tubig nga makapabaha sa Lapasan paingon sa Bugo).
Walay pag ulan usab sa Talakag ug Baungon.(Kining mga lugara ang makapasaka sa tubig sa suba sa Cagayan).
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
