Weather Update! Mindanao apektado sa Bagyo “QUINTA” ug Trough o Extension sa Bagyong SAUDEL nga naa gawas sa PAR

162
PC: CDRRMD / PAG-ASA

5:40 AM 24OCT2020

Gipahibalo sa City Disaster Risk Reduction and Management Department o CDRRMD nga basi sa Daily Forecast sa PAGASA ganihang 5:00 sa buntag, ang sentro sa gibantayang Bagyong (Tropical Depression) “QUINTA” anaa na sa gilay-ong 750 km Sidlakan Amihanang – sidlakan (East Northeast) nga bahin sa Guiuan, Eastern Samar o 855 km Sidlakan (East) sa Catarman, Northern Samar; kakusgong 55 kph; ug paglihok 15 kph sa Amihanang-kasadpan (Northwestward) ganihang 3:00 sa buntag. Ang Bagyo posibling mo-landfall sa Bicol Region o Eastern Visayas areas karong Domingo (25 October) sa gabii o Lunes (26 October) sa buntag ug posibling mamahimong Bagyo (Tropical Storm) sulod sa 24 ka oras.


 

Ang tibuok Mindanao apektado sa Bagyo (Tropical Depression) “QUINTA” ug Trough o Extension sa Typhoon “SAUDEL” (OUTSIDE PAR) tungod niini makasinati sa madag-umon nga kalangitan inubanan sa katag-katag ngadto sa halapad nga pag ulan, kilat ug pagdalugdog.

 

Hinay (light) ngadto sa kasarangan (moderate) nga hangin gikan sa Habagatang-kasadpan (Southwest) ngadto sa Kasadpan (West) maoy mo-resulta sa 0.6 – 2.1 meters nga balud sa kadagatan sa tibuok Mindanao.

 

Nagpabiling mapanganuron ang Cagayan de Oro karong orasa.

 

Madag-umon sa Libona; Mampayag, Dahilayan ug Lindaban, Manolo Fortich karong orasa. (Kining mga lugara mao ang tinubdan sa tubig nga makapabaha sa Lapasan paingon sa Bugo).




 

Madag-umon sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan).

 

NORMAL ang LEVEL sa tubig sa mga suba sa Cagayan ug Iponan.

 

Samtang, CDRRMD pabilin sa pag monitor.

Facebook Comments