Weather Update! Mindanao, apektado sa Habagat

PC: CDRRMD / PAG-ASA

6:10 AM 10OCT2020

Basi sa Weather Forecast sa PAGASA ganihang 4:00 sa buntag, walay bagyo apan ang gibantayang Low Pressure Area (LPA) anaa na gawas sa Philippine Area of Responsibility (PAR). Samtang adunay gibantayang bag-ong LPA sulod sa PAR. Kini anaa sa gilay-ong 370 km Sidlakan (East) nga bahin sa Infanta, Quezon ganihang 3:00 sa buntag. Ang bag-ong LPA GAMAY ang tsansa nga mahimong bagyo.

 

Ang tibuok Mindanao dili apektado sa LPA ug Northeasterly Surface Windflow apan maka-sinati sa madag-umon nga kalangitan inubanan sa katag-katag nga pag ulan, kilat ug pagpanalugdog tungod sa Habagat (Southwest Monsoon).


 

Hinay (light) ngadto sa kasarangan (moderate) nga hangin gikan sa Habagatang-kasadpan (Southwest) maoy mo-resulta sa 0.6 – 2.5 meters nga balud sa kadagatan sa tibuok Mindanao.

 

Madag-umon sa Cagayan de Oro karong orasa.

 

Madag-umon sa Libona; Mampayag, Dahilayan ug Lindaban, Manolo Fortich karong orasa. (Kining mga lugara mao ang tinubdan sa tubig nga makapabaha sa Lapasan paingon sa Bugo).

 

Madag-umon usab sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan).

 

NORMAL ang LEVEL sa tubig sa mga suba sa Cagayan ug Iponan.

 

Samtang, CDRRMD pabilin sa pag monitor.

Facebook Comments