Weather Update! Mindanao, apektado sa Trough o Extension sa Bagyong (Typhoon) “QUINTA”

PC: CDRRMD / PAG-ASA

5:35 AM 26OCT2020

Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, ang gibantayang Bagyong (Typhoon) “QUINTA” anaa na sa baybayon nga bahin sa Pola, Oriental Mindoro; kakusgong 125 kph; ug paglihok nga 25 kph Kasadpan (Westward) ganihang 3:00 sa buntag. Ang Bagyo posibling mo-gawas sa PAR karong Lunes (October 27) sa buntag.

 

Ang tibuok Mindanao makasinati sa madag-umon nga kalangitan inubanan sa katag-katag nga pag ulan, kilat ug pagpanalugdog tungod sa Trough o Extension sa Bagyong (Typhoon) “QUINTA”.


 

Forecast Positions:

– 24 Hour(Tomorrow morning): 495 km West of Calapan City, Oriental Mindoro

– 48 Hour(Wednesday morning):1,015 km West of Southern Luzon (OUTSIDE PAR)

Kasarangan (moderate) ngadto sa kusog (heavy) nga hangin gikan sa Kasadpan (West) ngadto sa Habagatang-kasadpan (Southwest) maoy mo-resulta sa 1.2 – 3.1 meters nga balud sa kadagatan sa tibuok Mindanao.

 

Nagpabiling mapanganuron ang Cagayan de Oro karong orasa.

 

Mapanganuron sa Libona; Mampayag, Dahilayan ug Lindaban, Manolo Fortich karong orasa. (Kining mga lugara mao ang tinubdan sa tubig nga makapabaha sa Lapasan paingon sa Bugo).

 

Mapanganuron usab sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan).

 

NORMAL ang LEVEL sa tubig sa mga suba sa Cagayan ug Iponan.

 

Samtang, CDRRMD pabilin sa pag monitor.

Facebook Comments