Weather Update! Mindanao, dili direktang apektado sa Habagat apan makasinate sa “localized” thunderstorms

28
PC: CDRRMD / PAG-ASA

5:10 AM 12JUNE2019

Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo o Low Pressure Area (LPA) SULOD sa Philippine Area of Responsibility (PAR).


 

Ang tibouk Mindanao dili direktang apektado sa Habagat (Southwest Monsoon ) apan maka-sinati sa panalagsang pagdag-um ngadto na sa mapanganuron nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “localized” thunderstorms.

 

Hinay (light) ngadto sa kasarangan (moderate) nga hangin gikan sa Habagatan (South) ngadto sa Habagatang-kasadpan (Southwest) nga maoy mo-resulta sa 0.6 – 2.1 meters nga balud sa kadagatan sa Northern Mindanao.

 

Walay pag ulan sa Cagayan de Oro karong orasa.

 

Walay pag ulan usab sa Libona; Mampayag, Dahilayan ug Lindaban, Manolo Fortich.
(Kining mga lugara mao ang tinubdan sa tubig nga makapabaha sa Lapasan paingon sa Bugo).

 

Walay natala nga pag ulan sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan)

 

NORMAL ang LEVEL sa tubig sa mga suba sa Cagayan ug Iponan.

 

Samtang, CDRRMD pabilin sa pag monitor.

Facebook Comments

From Advertisers