Weather Update! Mindanao, makasinati sa “Localized Thunderstorm”

41
PC: CDRRMD / PAG-ASA

5:40 AM 05DEC2020

Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo o Low Pressure Area (LPA) sulod sa Philippine Area of Responsibility (PAR). Ang tibuok Mindanao dili direktang apektado sa Amihan (Northeast Monsoon) apan makasinati sa panalagsang pagdag-um ngadto sa madag-umon nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “Localized Thunderstorm”.


 

Hinay (light) ngadto sa kasarangan (moderate) nga hangin gikan sa Amihanang- sidlakan (Northeast) ngadto sa Amihan (North) nga direksyon nga maoy mo-resulta sa hangtud 0.6- 2.1 meters nga balud sa kadagatan sa tibuok Mindanao.

 

Gi-wala na ang tanang Thunderstorm Advisories sa tibuok Mindanao, basi sa pahimangno sa PAGASA ganihang 2:40 sa buntag.

 

Mapanganuron sa Cagayan de Oro karong orasa.

 

Mapanganuron sa Libona; Mampayag, Dahilayan ug Lindaban, Manolo Fortich karong orasa. (Kining mga lugara mao ang tinubdan sa tubig nga makapabaha sa Lapasan paingon sa Bugo).




 

Mapanganuron usab sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan).

 

NORMAL ang LEVEL sa tubig sa mga suba sa Cagayan ug Iponan.

 

Samtang, CDRRMD pabilin sa pag monitor.

Facebook Comments