Weather Update! Northern Mindanao, apektado gihapon sa habagat

PC: CDRRMD

5:05 AM 11AUG18

 

Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, ang sentro sa Bagyong ( Tropical Storm ) “KARDING” adunay gilay-ong 990 km Sidlakan Amihanang-sidlakan (East Northeast) nga bahin sa Basco, Batanes.

 

Kini adunay kakusgong 75 kph ug paglihok nga 25 kph Amihanang-kasadpan (Northwest) ganihang 3:00 sa buntag.


 

Ang Northern Mindanao dili apektado sa Bagyong (TS) “KARDING” apan maka-sinati sa panalagsang pagdag-um ngadto na sa madag-umon nga kalangitan inubanan sa pat-ak pat-ak nga pag ulan tungod sa Habagat (Southwest Monsoon).

 

Kasarangan (moderate) nga hangin gikan sa Habagatang-kasadpan (Southwest) maoy mo-resulta sa 1.2 – 2.5 meters nga balud sa kadagatan sa Northern Mindanao.

 

Walay natala nga pag ulan sa CDO karong orasa.

 

Naka-sinati sa hinay (light) nga pag ulan ang ubang parti sa Libona; Mampayag, Dahilayan ug Lindaban, Manolo Fortich. (Kining mga lugara mao ang tinubdan sa tubig nga makapabaha sa Lapasan paingon sa Bugo).

 

Nagpabiling mapanganuron ang ubang parti sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan).

 

NORMAL ang LEVEL sa tubig sa mga suba sa Cagayan ug Iponan.

 

Samtang, CDRRMD pabilin sa pag monitor.

Facebook Comments