Weather Update! Northern Mindanao, dili apektado sa Amihan apan makasinate sa localized thunderstorms

PC: CDRRMD / PAG-ASA

6:50 AM 1JAN19

Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo o Low Pressure Area (LPA) sulod sa Philippine Area of Responsibility (PAR).

 

Ang Northern Mindanao dili apektado sa Amihan (Northeast Monsoon) apan maka-sinati sa panalagsang pagdag-um ngadto na sa madag-umon nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “localized” thunderstorms.


 

Kasarangan (moderate) ngadto sa kusog (strong) nga hangin gikan sa Amihanang-sidlakan (Northeast) ngadto sa Sidlakan (East) maoy mo-resulta sa 1.2 – 3.5 meters nga balud sa kadagatan sa Northern Mindanao.

 

Gi-wala na ang tanang Thunderstorm Advisories sa tibuok Mindanao basi sa pahimangno sa PAGASA ganihang 4:15 sa buntag.

 

Mapanganuron sa Cagayan de Oro karong orasa.

 

Mapanganuron usab sa Libona; Mampayag, Dahilayan ug Lindaban, Manolo Fortich. (Kining mga lugara mao ang tinubdan sa tubig nga makapabaha sa Lapasan paingon sa Bugo)

 

Madag-umon ang ubang parti sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan)

 

NORMAL ang LEVEL sa tubig sa mga suba sa Cagayan ug Iponan.

 

Samtang, CDRRMD pabilin sa pag monitor.

Facebook Comments