Weather Update! Northern Mindanao, makasinati sa “Localized Thunderstorms”

PC: CDRRMD / PAG-ASA

5:15 AM 01JAN2020.

Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo o Low Pressure Area (LPA) sulod sa Philippine Area of Responsibility (PAR). Ang Northern Mindanao dili apektado sa Amihan (Northeast Monsoon); Tail-end of Frontal System ug Easterlies apan makasinati sa panalagsang pagdag-umon ngadto sa madag-umon nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “Localized Thunderstorms”.

 

Hinay (light) ngadto sa kasarangan (moderate) nga hangin gikan sa Amihanang-sidlakan (Northeast) maoy mo-resulta sa 0.6 – 2.1 meters nga balud sa kadagatan sa tibuok Mindanao.


 

Walay pag ulan sa Cagayan de Oro karong orasa.

 

Walay pag ulan sa Libona; Mampayag, Dahilayan ug Lindaban, Manolo Fortich karong orasa. (Kining mga lugara mao ang tinubdan sa tubig nga makapabaha sa Lapasan paingon sa Bugo).

 

Walay pag ulan usab sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan).

 

NORMAL ang LEVEL sa tubig sa mga suba sa Cagayan ug Iponan.

 

Samtang, CDRRMD pabilin sa pag monitor.

 

Facebook Comments