Weather Update sa CDO gikan sa CDRRMD!

5:50 AM 12JULY18

Basi sa Weather Forecast sa PAGASA ganihang 4:00 sa buntag, walay bagyo o Low Pressure Area (LPA) sulod sa Philippine Area of Responsibility (PAR).

Ang tibuok Mindanao apektado sa Southwest Monsoon (HABAGAT) diin maka-sinati kini sa madag-umon nga kalangitan inubanan sa katag-katag nga pag ulan.


Hinay (light) ngadto sa kasarangan (moderate) nga hangin gikan sa Habagatang-kasadpan (Southwest) maoy mo-resulta sa 0.6 – 2.1 meters nga balud sa kadagatan sa Northern Mindanao.

Ang ubang parti sa Misamis Oriental (Gingoog City, Claveria); Bukidnon (Malitbog, Impasug-Ong, Malaybalay City); ug Camiguin naka-sinati sa kusog (heavy) nga pag ulan inubanan sa kilat ug kusog nga hangin epekto sa thunderstorms sulod sa 1-2 ka oras, basi kini sa pahimangno sa PAGASA ganihang 4:45 sa buntag.

Ang ubang parti sa CDO nakasinati sa madag-umon ngadto sa hinay (light) nga pag ulan karong orasa.

Nakasinati sa madag-umon ngadto sa hinay (light) nga pag ulan ang ubang parti sa Libona; Mampayag, Dahilayan ug Lindaban, Manolo Fortich karong orasa. (Kining mga lugara mao ang tinubdan sa tubig nga makapabaha sa Lapasan paingon sa Bugo).

Madag-umon ngadto sa hinay (light) nga pag ulan usab ang nasinati sa ubang parti sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan).

NORMAL ang LEVEL sa tubig sa mga suba sa Cagayan ug Iponan.

CDRRMD pabilin sa pag monitor.

Source: CDRRMD

Facebook Comments